20 C
Baku
22 May 2022 / 17:47

“Torpaq Abşeronundursa, Sabunçu İcra Hakimiyyəti niyə dağıtmalıdır?”

Xəbər verdiyimiz kimi, sosial şəbəkələrdə şəhid anasınsa məxsus tikilinin sökülməsi ilə bağlı görüntülər yayılıb. Buna cavab olaraq, Sabunçu rayon icra başçısı Adil Vəliyev açıqlama verərək, həmin ərazidə qeyri-yaşayış obyekti tikildiyini və şəhid anasına Ramana qəsəbəsində daha əvvəl mənzil verildiyini bildirib.

legitim.az “Qafqazinfo”ya istinadan xəbər verir ki, məsələ ilə bağlı danışan şəhid anası Mehriban Abdurahmanlı həmin açıqlamadan narazı qaldığını deyib:

“Onlar deyirlər ki, Mehriban anaya bu tikilini tikmək üçün 1000 manat pul verilib. Mənim üstümə böhtan atılıb. Heç kim mənə pul verməyib. Mən oğlumun pulu ilə, qəpik-qəpik yığıb orada bir balaca yer düzəltmək istəyirdim. Prezident bizə ev verib. Buranı da həyət evi kimi düzəltmək istəyirdim”.

Şəhid anası qeyd edib ki, sözügedən torpaq sahəsi ona hədiyyə edilib:

“Bu oğul anaya yaxşılıq elədi, torpağı verdi. Dünən isə bələdiyyədən tikilini sökmək üçün gəldilər ki, sökürük, tikintini dayandırın. Tikintini dayandırdıq. Bu gün səhər polislər, bələdiyyə işçiləri traktorla gəldilər. Əgər bu torpaq Abşeronundursa, Sabunçu Rayon İcra Hakimiyyəti niyə dağıtmalıdır?”

Mehriban Abdurahmanlı sözügedən ərazidə yaşayan hamının evinin sənədsiz olduğunu bildirib:

“Prezident deyib ki, nə qədər evlər var, hamısı sənədləşəcək. Mən də gözləyirdim ki, qanun çıxan kimi sənədləşdirim. Mənim şərəf və ləyaqətimə toxunulub, üstümə böhtan atılıb. Qollarım gömgöydür, yerimdən tərpənə bilmirəm. Oğlu şəhid olmuş ananı sürüyərlər? İcra Hakimiyyətinin nümayəndələri, polislər – hamısından şikayətçiyəm”.

Şəhid anası məsələ ilə bağlı məhkəməyə müraciət edəcəyini deyib:

“Polisdən gəlib izahat alıblar. Məhkəməyə də müraciət edəcəyəm”.

M.Abdurahmanlı qeyd edib ki, tikili məhkəmə qərarı olmadan sökülüb:

“Məhkəmədən bir kağız göstərib deyəydilər ki, ana, sənin evini uçururam. Mən də bu qərara baxardım, çəkilərdim bir kənara. Mənə heç bir sənəd göstərilmədi”.

Related posts

Lerikdə torpaq sürüşməsi baş verib: Sakinlərin təxliyəsinə başanılıb – VİDEO

Arif Turan

“Azərbaycanlı əsirlərə qarşı Cenevrə Konvensiyalarının prinsiplərinə zidd münasibət göstərilir” – Ombudsman

Arif Turan

Azərbaycan XİN: “Lüksemburq xarici işlər naziri öncə həqiqətlərlə tanış olsun”

Arif Turan

Bizi Facebook-da izlə

Facebook səhifəmizi bəyənərək ən son xəbərləri izləyə bilərsiniz


Pəncərə 15 saniyə sonra avtomatik bağlanacaq