“Ölkə Prezidentinin 27 iyul sərəncamı ilə yeraltı sulardan qənaətli istifadə və ehtiyatların artırılması istiqamətində fəaliyyət planı var”.
Legitim.az-ın məlumatına görə, bunu Ekologiya və Təbii Sərvətlər Nazirliyinin Geoloji Kəşfiyyat Xidmətinin rəisi Əli Əliyev “Ekspert saatı”nda deyib.
O bildirib ki, ölkədə bu istiqamətdə geniş istiqamətli işlərə başlanılıb: “İşğaldan azad edilmiş regionlarda zəngin faydalı qazıntı yataqlarının – filiz, qeyri-filiz, inşaat materialları və yeraltı su ehtiyatlarının axtarışı gedir. Demək ki, yaxın perspektivdə bizim əsas prioritetlərimiz işğaldan azad edilmiş ərazilərdə mövcud xammal ehtiyatlarının kəşf edilməsi, monitorinqi, yenidən qiymətləndirilməsidir”.