20 C
Baku
22 May 2022 / 18:07

Azərbaycan quru sərhədlərini açır – Tarix məlum oldu

“Operativ Qərargahın may ayının sonu, iyun ayının əvvəllərində quru sərhədlərnii açmaq, gediş-gəlişi bərpa etmək fikri var”.

Legitim.az xəbər verir ki, bu sözləri “cebhe.info”-ya quru sərhədlərinin açılması məsələsinə münasibət bildirərkən millət vəkili Musa Quliyev deyib.

Deputat artıq sərhədləri açmağın mümkün olduğunu bildirib:

“Azərbaycanda əsasən yay ayları turizm sezonu sayılır, turistlər də öz işlərini planlamalıdırlar. Əlaqələr möhkəmlənməli, insanlar digər ölkələrə işləri ilə əlaqədar getməli, iş adamları bura gəlməlidirlər. Rusiya, Türkiyə ilə insanlarımızın əlaqələri var, onların gediş-gəlişləri yaxşılaşdırılmalı, rahatlanmalıdır. Mən hesab edirəm ki, daha bir təhlükə yoxdur, qonşu ölkələrdə də pandemiya sona yetmək üzrədir. Məncə, sərhədləri açmaq olar. Payız vaxtına bəzi hallar təkrar olunmasa, artıq biz pandemiyadan qurtarmış sayılacağıq”.

Milli Məclisin üzvü deyib ki, ölkədə karantinin müddətini uzatsalar da, quru sərhədlərini müəyyən variantlarla açmaq olar:

“Karantini uzada, amma sərhədləri aça bilərlər. Sərhəddə tibb məntəqələri, yoxlamalar təşkil edə bilərlər. Yəni bunun variantları var. Sərhədi tam qapatmaq yox, yarıaçıq rejimə də keçirmək olar”.

Qeyd edək ki, Azərbaycan 2020-ci ilin martından etibarən koronavirus pandemiyası ilə əlaqədar quru sərhədlərini bağlayıb. Səfərlər 2 ildir ki, hava nəqliyyatı ilə reallaşır. Ölkədə yoluxma sayının azalması ilə əlaqədar bir çox məhdudiyyətlər aradan qaldırılsa da, hələ də quru sərhədləri qapalı qalıb.

Nazirlər Kabinetinin yanında Operativ Qərargahın yaydığı məlumata görə, 11 mayda koronavirus infeksiyasına 13 yeni yoluxma faktı qeydə alınıb. Aktiv xəstə sayı isə 70 nəfərdir. Qeyd edək ki, dünya mətbuatı da ölkəmizdəki yoluxma sayının azalması ilə bağlı materiallar dərc edb.

Related posts

Cəlilabad bələdiyyəsinin sədri barəsində inzibati xəta haqqında iş üzrə icraat başlanıb

Arif Turan

Türkiyəli generaldan çoxlarını düşündürən suala CAVAB -”Ermənistanda baş verənlər Qarabağda yeni müharibəyə…”

Arif Turan

Şuşaya qar yağdı, 28 il sonra ilk dəfə görüntüləndi – Video

Arif Turan

Bizi Facebook-da izlə

Facebook səhifəmizi bəyənərək ən son xəbərləri izləyə bilərsiniz


Pəncərə 15 saniyə sonra avtomatik bağlanacaq